26. ágúst 2010

Ný börn í Andabæ

Í ágúst höfum við verið að aðlaga ný börn inn á leikskólann og hefur það gengið mjög vel.

Hlynur Ingi Óskarsson, Konráð Ingi Finnbogason, Jökull Máni Fuga Hrannarsson og Lotta Finnsdóttir eru byrjuð á Goðheimum.  Jón Viktor Hauksson, Reynir Skorri Jónsson og Sara Sigurrós Hermannsdóttir eru byrjuð á Hulduheimum.  Bjóðum við þau og foreldra þeirra hjartanlega velkomin til okkar.

11. ágúst 2010

Góðan daginn

 Nú eru allir að verða komnir til baka eftir sumarfrí, bæði starfsfólk og börn.  Vonandi hafa allir haft það gott í fríinu:)  Við ætlum að hafa það notalegt og rólegt í ágúst, aðlaga ný börn og leyfa öllum að aðlagast nýjum aðstæðum.  Í september byrjum við svo á vetrarstarfinu en það verður auglýst betur síðar. 

30. júní 2010

Breytingar og sumarfrískveðja

Nú í þessari viku eru nokkur börn að hætta hjá okkur, það eru Þorvaldur Örn, Berghildur Ösp, Ísold Freyja, Philipp Anwar, Gísli Garðar, Kolbrá og Arnbjörn Óskar.  Þökkum við þeim öllum innilega fyrir samveruna með von um að þeim gangi vel í framtíðinni.

Helga Björk Bjarnadóttir og Berglind Inga Jóhannsdóttir eru einnig að hætta hjá okkur og hverfa til annarra starfa.  Þökkum við þeim innilega fyrir samstarfið.

Eftir daginn í dag höldum við öll á leikskólanum í 5 vikna sumarfrí og vonum við að allir eigi eftir að hafa það gott:)  Hittumst svo hress og kát þegar við opnum aftur þann 5. ágúst.

23. júní 2010

Ferð í fjósið

 Í gær fórum við í fjósið og horfðum á kýrnar fara út í fyrsta skiptið í sumar.  Var það mikið fjör:)  Á heimleiðinni stoppuðum við í garðinum hjá Önnu Siggu og fengum okkur samlokur og kex.  Endilega kíkið á myndir á heimasíðunni.

27. maí 2010

Útskrift elstu barnanna

 Útskriftin gekk mjög vel.  Börnin byrjuðu á að sýna okkur leikrit sem þau bjuggu til sjálf um Ronju Ræningjadóttur.  Eftir það voru þeim afhentar rósir og kveðjubækur með verkefnum eftir þau og myndum af þeim.  Í lokin voru borðaðar vöfflur með rjóma og sultu.  Viljum við þakka foreldrum og öðrum sem komu kærlega fyrir komuna.

27. maí 2010

Matjurtargarður búin til

Þriðjudaginn 18. maí var búin til matjurtargarður á lóðinni hjá okkur.  Tókst það vel og voru kartöflur settar niður stuttu seinna.  Viljum við þakka þeim foreldrum sem komu og aðstoðuðu okkur kærlega fyrir hjálpina.

20. maí 2010

Útskrift elsta hópsins

Þriðjudaginn 25. maí ætlum við að hafa útskrift í leikskólanum.  Þá ætlar elsti árgangurinn að bjóða foreldrum sínum, ömmum og öfum eða hverjum þeim sem vilja koma í leikskólann kl. 15:00.  Börnin verða með smá uppákomu og svo fer útskrift fram.  Í lokin ætla börnin að bjóða upp á léttar veitingar.

Vonumst við til að sjá sem flesta. 

20. maí 2010

Opið hús í Andabæ

Opið hús er í Andabæ í dag milli kl. 14:00 og 16:00.  Allir hvattir til að mæta og kynna sér það sem börnin hafa verið að gera í vetur og skoða leikskólann. 

Heimsókn frá Sólborg

Heimsókn frá Hraunborg

Útskriftarferð í Vatnaskóg

Breyting á útskrift

Gleðilegt sumar

Elstu börnin í Vatnaskóg

Heimsókn frá Vallarseli

Starfsmannafundur

Dansnámskeið

Sumarlokun Andabæjar

Faghópur leikskólasérkennara

Andabær 1. árs

Starfsmannafundur

Leikskólakennaranemar

Starfsdagur

Öskudagur